A interface web de Nextcloud

Pode conectarse ao seu servidor de Nextcloud mediante calquera navegador web. Abonda con apuntar ao URL do servidor de Nextcloud (p. ex. cloud.example.com) e introducir o seu nome de usuario e contrasinal:

Requisitos do navegador web

Para obter a mellor experiencia coa interface web de Nextcloud, recomendamoslle que use a versión máis recente e compatíbel dun navegador desta lista:

• Google Chrome/Chromium (Escritorio e Android)

• Mozilla Firefox (Escritorio e Android)

• Apple Safari (Escritorio e iOS)

• Microsoft Edge

Nota

Non todas as versións son compatíbeis. Nextcloud está probado e construído para funcionar só con estas versións. <https://browserslist.dev/?q=PjAuMjUlLCBub3Qgb3BfbWluaSBhbGwsIG5vdCBkZWFkLCBGaXJlZm94IEVTUg==>`_

Nota

Se quere utilizar o Nextcloud Talk, ten que executar Mozilla Firefox 52+ ou Google Chrome/Chromium 49+ para ter unha experiencia satisfactoria coas videochamadas e as pantallas compartidas.

Advertencia

Internet Explorer de Microsoft NON é compatíbel.

Navegar pola interface principal do usuario

De xeito predeterminado, a interface web de Nextcloud ábrese no seu Taboleiro ou na páxina Ficheiros:

En Ficheiros pode engadir, eliminar e compartir ficheiros, a administración do servidor pode cambiar os privilexios de acceso.

A interface de usuario de Nextcloud contén os seguintes campos e funcións:

• Menú de selección de aplicacións (1): situado no canto superior esquerdo, atopará todas as aplicacións que están dispoñíbeis na súa instancia de Nextcloud. Se preme nunha icona de aplicación redirixirao á aplicación.

• O campo Información sobre as aplicacións (2): situado na barra lateral esquerda, fornece filtros e tarefas asociadas á aplicación seleccionada. Por exemplo, cando está a usar a aplicación Ficheiros ten un conxunto especial de filtros para atopar rapidamente os seus ficheiros, como os ficheiros que se compartiron con vostede e os ficheiros que compartiu vostede con outros. Verá diferentes elementos para outras aplicacións.

• Vista da aplicación (3): o campo central principal da interface de usuario de Nextcloud. Este campo amosa o contido ou as características de usuario da aplicación seleccionada.

• Barra de navegación (4): situada na xanela de vista principal (a vista da aplicación), esta barra fornece un tipo de navegación de ronsel que permite migrar a niveis máis altos da xerarquía de cartafoles ata o nivel raíz (home).

• Botón Novo (5): situado na barra de navegación, o botón Novo permite crear novos ficheiros, novos cartafoles ou enviar ficheiros.

Nota

Tamén pode arrastrar e soltar ficheiros dende o xestor de ficheiros na vista da aplicación de Ficheiros para envialos á súa instancia.

• Campo Buscar (6): Prema na lupa no canto superior dereito para buscar ficheiros e entradas da aplicación actual.

• Menú de Contactos (7): ofrécelle unha vista xeral dos seus contactos e usuarios no seu servidor. Dependendo dos detalles e das aplicacións dispoñíbeis, pode iniciar directamente unha videochamada con eles ou enviar correos electrónicos.

• O botón Ver como grella (8): Semella catro pequenos cadrados que alternan a vista de grade para cartafoles e ficheiros.

• Menú de Axustes (9): prema na súa imaxe de perfil, situada á dereita do campo Buscar, no menú despregábel abra os Axustes. A súa páxina de Axustes fornece as seguintes configuracións e características:

  • Ligazóns para descargar aplicacións de escritorio e móbil

  • Uso do servidor e dispoñibilidade de espazo

  • Xestión de contrasinais

  • Axustes do nome, correo e imaxe de perfil

  • Xestionar os navegadores conectados e os dispositivos

  • Pertenza a grupo

  • Axustes do idioma da interface

  • Xestionar notificacións

  • ID de nube federada e botóns para compartir redes sociais

  • Xestor de certificados SSL/TLS para almacenamentos externos

  • Os seus axustes de dous factores

  • Información da versión de Nextcloud

Consulte a sección Axustar as súas preferencias para obter máis información sobre estes axustes.