Sincronización de escritorio e móbil

Para a sincronización de ficheiros co escritorio do seu computador, recomendámoslle usar o Cliente de sincronización de Nextcloud para Windows, macOS e Linux.

O cliente de sincronización de escritorio de Nextcloud permítelle conectarse ao seu servidor Nextcloud. Pode crear cartafoles no seu directorio persoal e manter o contido deses cartafoles sincronizados co servidor de Nextcloud. Abonda con copiar un ficheiro no directorio e o cliente de escritorio de Nextcloud fai o resto. Faga un cambio nos ficheiros nun computador e fluirá entre os demais mediante estes clientes de sincronización de escritorio. Sempre terá os seus últimos ficheiros consigo onde queira.

O seu uso está documentado por separado no Manual do cliente de escritorio de Nextcloud.

Clientes de móbil

Visite a súa páxina persoal na súa interface web de Nextcloud para atopar ligazóns de descarga para clientes de sincronización móbil Android e iOS. Ou visite a páxina de descargas de Nextcloud.

Por desgraza, a sincronización de 2 vías, a.k.a, sincronización bidireccional, aínda non está completamente implementada no cliente de Android. Consulte esta incidencia en github para coñecer o estado actual da función.