Compartir ficheiros

Os usuarios de Nextcloud poden compartir ficheiros e cartafoles. Os obxectivos posíbeis son:

• ligazóns públicas

• usuarios

• grupos

• círculos

• conversas no Talk

• usuarios ou grupos en servidores de Nextcloud federados

Nota

É posible que algunhas opcións non estean dispoñíbeis por mor da configuración administrativa. Consulte a documentación de administración para obter máis información.

Compartir con ligazóns públicas

Podes compartir ficheiros e cartafoles a través de ligazóns públicas.

Crearase un testemuño de 15 díxitos ao chou. A ligazón semellará como https://cloud.example.com/s/yxcFKRWBJqYYzp4`.

Hai varias opcións dispoñíbeis para as comparticións de cartafol público:

• Só lectura para permitir a súa vista e descarga

• Permitir o envío e a edición

• Con Soltar ficheiro, o receptor só pode enviar ficheiros a un cartafol sen ver os ficheiros que xa están nese cartafol.

• Agochar a descarga agocha os botóns de descarga e as opcións predeterminadas do botón dereito do rato do navegador para dificultar a descarga para o usuario compartido

• Protexido con contrasinal

• Estabelecer a data de caducidade desactivará automaticamente a compartición

• Nota para o destinatario

• Deixar de compartir para reverter a compartición

• Engadir outra ligazón para crear varias ligazóns públicas con diferentes dereitos

Para compartir publicamente ficheiros, pode permitir a edición do ficheiro cunha das solucións de edición colaborativa de Nextcloud:

Nota

A protección por contrasinal e a caducidade dos ficheiros tamén se propagan mediante Compartición federada de ficheiros dende Nextcloud 22.

Comparticións internas con usuarios e grupos

Ao compartir con usuarios, grupos, círculos ou membros dunha conversa do Talk, poden axustarse os permisos para os contidos dos ficheiros ou dos cartafoles:

Como receptor, pode configurar se quere aceptar automaticamente todos os recursos compartidos entrantes e engadilos ao seu cartafol raíz, ou se quere que se lle solicite cada vez se desexa quere ou rexeitar a compartición.

Para axustar a opción de aceptación, diríxase a Axustes → Persoal → Compartir:

Advertencia

If the owner renames a shared file or folder, the new name will not be reflected on the recipient’s side. This is needed to prevent overwriting existing files or folders on the recipient’s end.

Outros con acceso

Para saber se un ficheiro ou cartafol é accesíbel a outros mediante a compartición dun nivel superior de xerarquía de cartafoles, prema en Outros con acceso na lapela de compartidos:

A lista amosa a todos os usuarios, grupos, parolas, etc., aos que se lles permitiu acceder ao obxecto actual mediante a compartición dun cartafol superior na xerarquía:

Prema nos tres puntos para:

• ver quen iniciou a compartición

• ver onde se iniciou a compartición (prema para ir ata o cartafol, ata onde teña acceso)

• Deixar de compartir o recurso inicial (accesíbel só para o propietario do recurso)

Nota

Esta información só é visible para o propietario dun ficheiro/cartafol ou receptores con permisos para volver compartir.

Comparticións federadas

A compartición federada permítelle montar ficheiros compartidos dende servidores Nextcloud remotos, creando así a súa propia nube de Nextclouds. Pode ligazóns directas de compartición cos usuarios noutros servidores Nextcloud.

Crear unha nova compartición federada

O uso da compartición federada está activado de xeito predeterminado. Siga estes pasos para crear unha nova compartición con outros servidores Nextcloud ou ownCloud:

Acceda á súa páxina Ficheiros e prema na icona Compartir no ficheiro ou directorio que quere compartir. Na barra lateral introduza o nome de usuario e o URL do usuario remoto neste formulario: <username>@<oc-server-url>. Neste exemplo, isto é roi@nube.example.com`:

O receptor está a recibir unha notificación no seu Nextcloud, permitíndolles aceptar ou rexeitar o recurso entrante:

Engadindo unha compartición pública ao seu Nextcloud

As páxinas de compartición de ligazóns pública de Nextcloud ofrecen unha opción para engadir ese ficheiro ou cartafol como unha compartición federada na súa propia instancia de Nextcloud. Simplemente introduza o seu `` <username>@ <nc-server-url>`` do mesmo xeito que se amosa para as comparticións de saída anteriores: