Conceptos básicos de Parladoiro de Nextcloud
Parladoiro de Nextcloud permítelle parolar e facer videochamadas no seu propio servidor.
As parolas e as chamadas teñen lugar nas conversas. Pode crear calquera número de conversas. Hai dous tipos de conversas:
Conversas persoais. É unha parola privada ou chamada privada con outro usuario de Parladoiro (un a un). Non pode engadir outras persoas a esta conversa nin compartila cunha ligazón. Para iniciar unha parola directa (un a un), busque outro usuario na barra de buscas e prema sobre o seu nome.
Conversas en grupo. Ademais da persoa que creou a conversa, unha conversa en grupo pode ter calquera número de persoas. Unha conversa de grupo pódese compartir publicamente cunha ligazón, para que usuarios convidados externos poidan unirse a unha chamada. Tamén se pode listar, para que outras persoas da súa instancia de Nextcloud poidan unirse á conversa.
Crear unha parola
Pode crear unha parola directa e individual (un a un) buscando o nome dun usuario, un grupo ou un equipo e premendo sobre el. Para un único usuario, créase inmediatamente unha conversa e pode iniciar a súa parola. Para un grupo ou círculo pode escoller un nome e uns axustes antes de crear a conversa e engadir os participantes.
Se quere crear unha conversa de grupo personalizada, prema no botón que está a rente do campo de busca e do botón de filtros e após prema en Crear unha nova conversa.
A seguir, pode escoller un nome para a conversa, poñerlle unha descrición e definir un avatar para ela (cunha foto ou un «emoji» enviado) e seleccionar se a conversa debe estar aberta a usuarios externos e se outros usuarios do servidor poden ver a conversa e unirse a ela.
No segundo paso, pode engadir participantes e rematar a creación da conversa.
Após a confirmación, será redirixido á nova conversa e pode comezar a comunicarse de inmediato.
Ver todas as conversas abertas
Pode ver todas as conversas ás que pode unirse premendo no botón a rente do campo de busca e do botón de filtros e, de seguido, Unirse a conversas abertas.
Filtrar as súas conversas
Pode filtrar as súas conversas usando o botón de filtro situado xunto ao campo de busca. Existen dúas opcións para filtrar: 1. Filtrar mencións non lidas: esta opción permítelle ver conversas de grupo con mencións sen ler ou conversas individuais sen ler. 2. Filtrar mensaxes non lidas: esta opción permítelle ver todas as mensaxes non lidas en todas as conversas ás que se uniu.
Após pode borrar o filtro desde o menú de filtros.
Compartir ficheiros nunha parola
Nunha parola, pode compartir ficheiros de 3 maneiras.
A primeira, pode simplemente arrastralos e soltalos na parola.
A segunda, pode seleccionar un ficheiro do seu Ficheiros de Nextcloud ou dun xestor de ficheiros escollendo o pequeno clip e seleccionando de onde quere coller o ficheiro.
Pode engadir máis ficheiros ata que remate e decida compartir os ficheiros. Tamén pode engadir un título de texto aos seus ficheiros compartidos, fornecendo unha breve descrición ou contexto.
Todos os usuarios poderán premer nos ficheiros para velos, editalos ou descargalos, independentemente de que teñan unha conta de usuario. A os usuarios con conta compartiráselle o ficheiro automaticamente, mentres que aos usuarios convidados externos compartiráselle como ligazón pública.
Inserir un «emoji»
Pode engadir un «emoji» usando o selector situado á esquerda do campo de entrada de texto.
Editar mensaxes
Pode editar mensaxes e lendas en ficheiros compartidos ata 6 horas após do envío.
Empregar Markdown
Pode mellorar as súas mensaxes coa axuda da sintaxe de Markdown. Vexa a lista para o seu emprego:
Títulos e divisores
# Heading 1
## Heading 2
### Heading 3
#### Heading 4
##### Heading 5
###### Heading 6
Heading
===
Normal text
***
Normal text
Decoracións na liña
**bold text** __bold text__
*italicized text* _italicized text_
`inline code` ``inline code``
```
.code-block {
display: pre;
}
```
Listas
1. Ordered list
2. Ordered list
* Unordered list
- Unordered list
+ Unordered list
Citas
> blockquote
second line of blockquote
Listas de tarefas
- [ ] task to be done
- [x] completed task
Táboas
Column A | Column B
-- | --
Data A | Data B
Definir o lembrete nas mensaxes
Pode definir lembretes en mensaxes específicas. Se hai unha mensaxe importante que quere que se lle notifique máis adiante, simplemente pase por riba del co rato e prema na icona do lembrete.
No submenú, pode seleccionar un momento axeitado para recibir unha notificación posterior.
Responder mensaxes e moito máis
Pode responder a unha mensaxe usando a frecha que aparece cando pasa o rato sobre nunha mensaxe.
No menú … tamén pode optar por responder en privado. Isto abrirá unha parola un a un.
Aquí tamén pode crear unha ligazón directa á mensaxe ou marcala como non lida para que se desprace ata ela a próxima vez que entre na parola. Cando se trate dun ficheiro, pode velo en Ficheiros.
Mensaxes silandeiras
Se non quere molestar a ninguén no medio da noite, hai un modo silandeiro para parolar. Mentres estea activado, os outros participantes recibirán notificacións das súas mensaxes.
Xestionar unha conversa
Vde. sempre é moderador na súa nova conversa. Na lista de participantes pode promover a outros participantes a moderadores usando o menú … á dereita do seu nome de usuario, asignarlles permisos personalizados ou eliminalos da conversa.
Cambiar os permisos dun usuario que se uniu a unha conversa pública tamén o engadirá permanentemente á conversa.
Os moderadores poden configurar a conversa. Seleccione Axustes da conversa no menú ... da conversa na parte superior para acceder aos axustes.
Aquí pode configurar a descrición, o acceso de convidado, se a conversa é visíbel para os demais no servidor e máis.
Caducidade das mensaxes
Un moderador pode configurar a caducidade da mensaxe en Axustes da conversa dentro da sección de Moderación. Unha vez que unha mensaxe acada o seu tempo de caducidade, elimínase automaticamente da conversa. As duracións de caducidade dispoñíbeis son 1 hora, 8 horas, 1 día, 1 semana, 4 semanas ou nunca (que é o axuste predeterminado).
Iniciar unha chamada
Cando está nunha conversa, pode iniciar unha chamada en calquera momento co botón Iniciar chamada. Outros participantes recibirán unha notificación e poderán unirse á chamada.
Se alguén xa iniciou unha chamada, o botón converterase nun botón verde Unirse á chamada.
Durante unha chamada, pode silenciar o micrófono e desactivar o seu vídeo cos botóns da parte dereita da barra superior, ou usando os atallos M para silenciar o son e V para desactivar o vídeo. Tamén pode usar a barra de espazo para desactivar o silencio. Cando estea silenciado, premendo a barra de espazo activarao para que poida falar ata que solte a barra de espazo. Se está desactivado o silencio, ao premer espazo silenciarao ata que o solte.
Podes agochar o seu vídeo (útil durante unha compartición de pantalla) coa pequena frecha situada enriba do fluxo de vídeo. Volva amosalo coa pequena frecha.
Pode acceder aos seus axustes e escoller unha cámara web, un micrófono e outros axustes no menú … da barra superior.
Desde o diálogo de axustes de multimedia, tamén pode cambiar o fondo do seu vídeo.
Pode cambiar outras opcións no diálogo Axustes de Parladoiro.
Iniciar unha compartición de pantalla
Pode premer na icona do monitor do seu fluxo de vídeo para compartir a súa pantalla. Dependendo do seu navegador, terá a opción de compartir un monitor, unha xanela de aplicación ou unha única lapela do navegador. Se tamén está dispoñíbel o vídeo da súa cámara, os outros participantes poderán velo nunha pequena vista de presentador xunto á compartición da pantalla.
Cambiar a vista nunha chamada
Pode cambiar a vista nunha chamada coa pequena icona de catro bloques no canto superior dereito entre a vista promovida e a vista en grade. A vista en grade amosará a todos igual de grandes e, se as persoas non caben na pantalla, aparecerán botóns á esquerda e á dereita que lle permitirán desprazarse.
A vista promovida amosa o falante en grande e aos demais nunha fila abaixo. Se as persoas non caben na pantalla, aparecerán botóns á esquerda e á dereita que lle permitirán desprazarse.
