Sincronización con Android

Ficheiros e notificacións

  1. Instale o cliente de Nextcloud para Android desde Google Play Store ou desde F-Droid.

  2. Iniciar a aplicación. Hai dúas formas de axustalo:

    Ou ben: introduza o URL do servidor, continúe, introduza o seu nome de usuario e contrasinal e confirme para conceder o acceso.

    Ou: na interface web de Nextcloud, diríxase ás preferencias do usuario, vaia a Seguranza. Xere un contrasinal da aplicación, prema en «Xerar código QR» e toque na icona do escáner QR na aplicación Nextcloud, dirixa a cámara do teléfono cara á pantalla.

Contactos e Calendario

Coa aplicación móbil de Nextcloud

  1. Instale DAVx⁵ (antes coñecido como DAVDroid) no seu dispositivo Android, desde Google Play Store ou desde F-Droid.

  2. En Nextcloud móbil, vai a Axustes/Máis, toque en «** Sincronizar caldendarios e contactos**».

  3. Agora, DAVx⁵ abrirá a xanela de acceso de fluxo web de Nextcloud, onde terá que introducir as súas credenciais e conceder o acceso.

  4. Abrirase DAVx⁵ e pediralle que cree unha conta. Estabeleza o nome da conta cun da súa escolla e estabeleza o Método do grupo de contacto en Os grupos son categorías por contacto.

  5. Após isto, DAVx⁵ pecharase e aparecerá a aplicación de Nextcloud. Para rematar de preparalo, ten que volver iniciar manualmente DAVx⁵.

  6. Toque sobre a icona da conta que acaba de crear DAVx⁵, cando se lle solicite conceda a DAVx⁵ acceso aos seus calendarios e contactos. Opcionalmente instale OpenTasks (Google Play Store ou F-Droid) e conceda tamén a DAVx⁵ acceso ás súas tarefas.

  7. Cando toque a icona da conta que DAVx⁵ preparou, descubrirá os cadernos de enderezos e os calendarios dispoñíbeis. Escolla cales quere sincronizar e remate.

Sen a aplicación móbil de Nextcloud

Se non quere instalar a aplicación móbil Nextcloud, debes seguir os seguintes pasos:

  1. Instale DAVx⁵ (antes coñecido como DAVDroid) no seu dispositivo Android, desde Google Play Store ou desde F-Droid.

  2. Opcionalmente, instale OpenTasks (Google Play Store ou F-Droid).

  3. Cree unha conta nova (botón «+»).

  4. Seleccione Conexión con URL e nome de usuario. URL base: URL da súa instancia de Nextcloud (p. ex. https://sub.example.com/remote.php/dav) e as súas credenciais.

  5. Para o Método do grupo de contacto: escolla a opción Os grupos son categorías por contacto.

  6. Prema en Conectar.

  7. Seleccione os datos que quere sincronizar.

  8. Cando se lle solicite, conceda permisos de acceso a DAVx⁵ para os seus contactos, calendarios e, opcionalmente, tarefas.

Nota

Introduza o seu enderezo de correo como nome da conta DAVx⁵ (obrigatorio se quere poder enviar un convite ao calendario) Se o seu enderezo de correo está rexistrado nas súas preferencias de Nextcloud e preparou a súa conta a través da aplicación móbil de Nextcloud, todo isto debería estar xa feito.

Nota

Usar o nome de usuario e o contrasinal non funcionará se está activado a autenticación con segundo factor e devolverá un erro xenérico de «Recurso descoñecido». Use un contrasinal de aplicación dedicado no canto.

Truco

DAVx⁵ enumera as subscricións do calendario realizadas a través da aplicación Calendario de Nextcloud, mais necesita instalar a aplicación ICSx⁵ (antes coñecida como ICSDroid) no seu dispositivo Android, desde a Google Play Store ou desde F-Droid para sincronizalas.